Gwamna Ahmad Fintiri na Jihar Adamawa ya amince da naɗin sabbin sarakuna da hakimai bakwai a masarautun Jihar.
Nadin sabbin sarakunan ya fara aiki ne nan take, kamar yadda gwamnatin jihar ta sanar.
Sabbin sarakunan sun hada da; Alhaji Sani Ahmadu Ribadu a matsayin Sarkin Fufore, da Ahmadu Saibaru a matsayin Sarkin Maiha, da Barista Barrister Alheri B. Nyako a matsayin Tol Huba da Farfesa Bulus Luka Gadiga a matsayin Mbege Ka Michika.
Sauran su ne Dakta Ali Danburam a matsayin Ptil Madagali, da Aggrey Ali a matsayin Kumun Gombi, da John Dio a matsayin Gubo Yungur.
Gwamnan ya bayyana cewa an zaɓo su ne bisa cancanta ya kuma buƙace su da kasance masu gaskiya da riƙon amana.